Get Adobe Flash player

ຍິນດີຕ້ອນຮັບ

"ຍົກສູງຄວາມສາມາດນຳພາ ແລະ

ລັກສະນະນຳໜ້າຂອງພັກ,

ເພີ່ມທະວີມະຫາສາມັກຄີ

ທົ່ວປວງຊົນທັງຊາດ

ຢຶດໝັ້ນແນວທາງປ່ຽນແປງໃໝ່

ຮອບດ້ານ ແລະ ມີຫຼັກການ,

ປົກປັກຮັກສາ ແລະ ພັດທະນາ

ປະເທດຊາດ ຕາມທິດຍືນຍົງ

ສູ່ຈູດໝາຍສັງຄົມນິຍົມ

ຢ່າງໜັກແໜ້ນ"

ເຂົ້າສູ່ລະບົບ

ກອງປະຊຸມໃຫຍ່ໜ່ວຍຊາວໜຸ່ມ ຄັ້ງທີ III ແລະ ໜ່ວຍສະຫະພັນແມ່ຍິງ ຄັ້ງທີ່ IV

     ກ49169670 576004829479403 6828976371184697344 nອງປະຊຸມດັ່ງກ່າວໄດ້ເປີດຂຶ້ນຢ່າງເປັນທາງການ ໃນວັນທີ່ 27 ທັນວາ 2018 ທີ່ຫ້ອງປະຊຸມ ພະແນກ ວິທະຍາສາດ ແລະ ເຕັກໂນໂລຊີ ແຂວງຄຳມ່ວນ ໂດຍການເປັນປະທານຮ່ວມ ຂອງ ທ່ານ ນ. ໄພບູນ ໄຊຍະກຸມມານ ເລຂາໜ່ວຍພັກ, ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງ, ທ່ານ ພຸດທະວົງ ພົນອາສາ ຮອງເລຂາຄະນະບໍລິຫານງານຊາວໜຸ່ມແຂວງ ແລະ ທ່ານ ນ. ບຸນຊ່ຽນ ມະນີວັນ ຮອງປະທານ ສະຫະພັນແມ່ຍິງແຂວງ, ມີບັນດາທ່ານແຂກຖືກເຊີນ

ພ້ອມດ້ວຍສະມາຊິກຊາວໜຸ່ມ ແລະ ແມ່ຍິງຂອງພະແນກເຂົ້າຮ່ວມ 36 ສະຫາຍ,ຍິງ 19 ສະຫາຍ.
      ທ່ານ ນ. ແຕງອອ່ນ ລິນສົມພູ ຮອງເລຂາໜ່ວຍພັກ, ຮອງຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງ, ຜູ້ຊີ້ນຳອົງການຈັດຕັ້ງມະຫາຊົນ ໄດ້ຂຶ້ນຜ່ານ ບົດລາຍງານການເມືອງ ໜ່ວຍຊາວໜຸ່ມ ແລະ ໜ່ວຍສະຫະພັນແມ່ຍິງຂອງພະແນກ ເຊິ່ງເນື້ອໃນບົດລາຍງານດັ່ງກ່າວ ແມ່ນໄດ້ຍົກໃຫ້ເຫັນເຖິງ ຜົນງານໃນການເຄື່ອນໄຫວ ໃນໄລຍະຜ່ານມາ ຂອງສອງອົງການຈັດຕັ້ງດັ່ງກ່າວ ໂດຍສະເພາະການຈັດຕັ້ງປະຕິບັດ ເນື້ອໃນຂໍ້ແຂ່ງຂັນ 4 ບຸກ ຂອງຊາວໜຸ່ມ ແລະ ຂໍ້ແຂ່ງຂັນ 3 ດີ ຂອງແມ່ຍິງ ເຊິງສະແດງອອກໃຫ້ເຫັນຫຼາຍດ້ານ ເປັນຕົ້ນແມ່ ໜ່ວຍຊາວໜຸ່ມ ພະແນກ ວິທະຍາ ສາດ ແລະ ເຕັກໂນໂລຊີ ແຂວງຄຳມ່ວນ ໄດ້ຮັບນາມະຍົດ ເປັນໜ່ວຍຊາວໜຸ່ມ 4 ບຸກ ແລະ ສະມາຊິກ 4 ບຸກ ໄດ້ 3 ປີ ຕິດຕໍ່ກັນ ສາມາດຍາດໄດ້ທຸງໄຊນຳໜ້າ ຂະບວນແຂ່ງ ຂັນ 4 ບຸກ, ນອກນັ້ນ ທາງຄະນະໜ່ວຍພ້ອມດ້ວຍບັນດາສະມາຊິກຊາວໜຸ່ມ-ແມ່ຍິງ ຍັງໄດ້ພ້ອມກັນສ້າງຂະບວນການ ອອກແຮງງານ, ຂະບວນການກິລາ ເພື່ອຄຳນັບຮັບ ຕ້ອນວັນສຳຄັນຕ່າງໆ ຢ່າງຟົດຝື້ນ ແລະ ຕໍ່ເນື່ອງ. ໃນກອງປະຊຸມດັ່ງກ່າວ ຍັງໄດ້ມີການ ມອບໃບຍ້ອງຍໍຂອງປະທານສະຫະພັນແມ່ຍິງແຂວງ ໃຫ້ແກ່ສະມາຊິກແມ່ຍິງ ຜູ້ທີ່ມີຜົນ ງານດີເດັ່ນ ໃນໄລຍະຜ່ານມາ ຈຳນວນ 13 ສະຫາຍ; ໃຫ້ກຽດມອບໂດຍ ທ່ານ ນ. ບຸນຊ່ຽນ ມະນີວັນ ຮອງປະທານ ສະຫະພັນແມ່ຍິງແຂວງ.
    ຫຼັງຈາກນັ້ນ ບັນດາສະຫາຍສະມາຊິກຊາວໜຸ່ມ-ແມ່ຍິງ ໄດ້ໃຊ້ສິດ ປະຊາທິປະໄຕ ຂອງຕົນ ປ່ອນບັດຄັດເລືອກເອົາ ຄະນະໜ່ວຍຊາວໜຸ່ມ ແລະ ແມ່ຍິງຊຸດໃໜ່ ເຊິ່ງຜົນ ການປ່ອນບັດເລືອກຕັ້ງ ແລະ ຜ່ານກອງປະຊຸມຄັ້ງປະຖົມມະລຶກ ເຫັນດີຮັບຮອງເອົາ ຄະນະໜ່ວຍຊຸດໃໜ່ຄື: ທ່ານ ແສງຄຳ ພິມມະສອນ ເປັນເລຂາໜ່ວຍຊາວໜຸ່ມ, ທ່ານ ພອນສະຫວັນ ພົມມະນີ ເປັນຮອງເລຂາ ພ້ອມທັງເປັນປະທານກວດກາ, ທ່ານ ນ. ທິບສະຫວັນ ສຸລິຍະ ເປັນກຳມະການ ແລະ ຄະນະປະທານສະຫະແມ່ຍິງຊຸດໃໜ່ ມີ: ທ່ານ ນ. ຄຳສອນ ສີວົງສາ ເປັນປະທານ, ທ່ານ ນ. ທຽມຈັນ ສອນສາລີ ເປັນຮອງປະທານ ພ້ອມທັງເປັນປະທານກວດກາ ແລະ ທ່ານ ນ ຈັນທະໄລ ອິນທະວົງ ເປັນກຳມະການ.
      ໃນຕອນທ້າຍຂອງກອງປະຊຸມ ຍັງໄດ້ຮັບຟັງການໂອ້ລົມຂອງ ທ່ານ ນ. ບຸນຊ່ຽນ ມະນີວັນ ຮອງປະທານສະຫະພັນແມ່ຍິງແຂວງ ເຊິງທ່ານໄດ້ຕິລາຄາສູງຕໍ່ຜົນງານ ທີ່ທາງ ຄະນະໜ່ວຍຊາວໜຸ່ມ ແລະ ໜ່ວຍສະຫະພັນແມ່ຍິງ ຍາດມາໄດ້ ໂດຍສະເພາະໄດ້ສຸ່ມໃສ່ ຕໍ່ວຽກງານສຶກສາອົບຮົມການເມືອງ-ແນວຄິດ. ຄະນະພັກ, ຄະນະໜ່ວຍຊາວໜຸ່ມ ແລະ ແມ່ຍິງ ໄດ້ນຳພາສະມາຊິກຊາວໜຸ່ມ, ແມ່ຍິງ ເຂົ້າຮ່ວມເຊື່ອມຊຶມເອກະສານສຳ ຄັນຕ່າງໆຂອງຊາດ, ຂອງພັກ, ຂອງຊາວໜຸ່ມ-ແມ່ຍິງ ເຮັດໃຫ້ສະມາຊິກຊາວໜຸ່ມ-ແມ່ ຍິງ ມີຄວາມເຊື່ອໝັ້ນ ຕໍ່ການຊີ້ນຳໆພາຂອງພັກ, ມີແນວຄິດອຸ່ນອ່ຽນທຸ່ນທ່ຽງ, ມີ ຄວາມເອົາໃຈໃສ່ ຕໍ່ວຽກງານວິຊາສະເພາະ ໂດຍຕິດພັນກັບຂະບວນການແຂ່ງຂັນ 4 ບຸກ ຂອງຊາວໜຸ່ມ, ຂໍ້ແຂ່ງຂັນ 3 ດີຂອງສະຫະພັນແມ່ຍິງ ໃຫ້ປະກົດຜົນເປັນຈິງ, ຮັກສາ ນາມມະຍົດຊາວໜຸ່ມ 4 ບຸກ ແລະ ແມ່ຍິງ 3 ດີ ໄວ້ຕະຫຼອດໄປ ໃຫ້ສົມກັບພັກໄດ້ໃຫ້ ສາຍຍານາມວ່າ: ຊາວໜຸ່ມເປັນແຂນຂວາຂອງພັກ, ເປັນກະດູກສັນຫຼັງຂອງປະເທດ ຊາດ.

ຄົ້ນຫາ

ປະຕິທິນ

October 2019
Mo Tu We Th Fr Sa Su
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ແຜນທີ່

ຜູ້ເຂົ້າຢ້ຽມຊົມເວັບໄຊ

095880
ມື້ນີ
ວານນີ້
ອາທິດນີ້
ອາທິດຜ່ານມາ
ເດືອນນີ້
ເດືອນຜ່ານມາ
ລວມທັງໝົດ
74
129
339
94351
2648
2467
95880

            ສະຫງວນລິຂະສິດ, ພະແນກວິທະຍາສາດ ແລະ ເຕັກໂນໂລຊີ ແຂວງຄຳມ່ວນ, ໂທ: 051 251366, ແຟັກ: 051 251366