Get Adobe Flash player

ຍິນດີຕ້ອນຮັບ

"ຍົກສູງຄວາມສາມາດນຳພາ ແລະ

ລັກສະນະນຳໜ້າຂອງພັກ,

ເພີ່ມທະວີມະຫາສາມັກຄີ

ທົ່ວປວງຊົນທັງຊາດ

ຢຶດໝັ້ນແນວທາງປ່ຽນແປງໃໝ່

ຮອບດ້ານ ແລະ ມີຫຼັກການ,

ປົກປັກຮັກສາ ແລະ ພັດທະນາ

ປະເທດຊາດ ຕາມທິດຍືນຍົງ

ສູ່ຈູດໝາຍສັງຄົມນິຍົມ

ຢ່າງໜັກແໜ້ນ"

ເຂົ້າສູ່ລະບົບ

ຮອງລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີເຄື່ອນໄຫວຊີ້ນຳວຽກງານ ທີ່ແຂວງຄຳມ່ວນ

ໃນວັນທີ 25/6/2018 ທ່່ານ ບຸນຕີ ທະມິດ ຮອງລັດຖະມົນຕີກະຊວງ ວິທະຍາສາດ ແລະ ເຕັກໂນໂລຊີ ພ້ອມຄະນະໄດ້ມາເຄື່ອນໄຫວ ຊຸກຍູ້ວຽກງານທີ່ແຂວງ ຄຳມ່ວນ. ໂດຍມີທ່ານ ນາງ ໄພບູນ ໄຊຍະກຸມມານ ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງຄຳມ່ວນ ພ້ອມດ້ວຍອ້າຍນ້ອງພາຍໃນພະແນກໃຫ້ການຮັບຕ້ອນ.

ໂອກາດນີ້ ທ່ານ ຄຳແດງ ສີບຸນເຮືອງ ຮອງຫົວໜ້າພະແນກໄດ້ລາຍງານກ່ຽວກັບ ສະພາບການເຄື່ອນໄຫວ ຈັດຕັ້ງ ປະຕິບັດວຽກງານຕໍ່ທ່ານຮອງລັດຖະມົນຕີໄດ້ຮັບຊາບເຊິ່ງພະແນກ ວິທະຍາສາດ ແລະ ເຕັກໂນໂລຊີປະກອບມີ 4 ຂະແໜງການຄື: ຫ້ອງການຈັດຕັ້ງ - ບໍລິຫານ, ຂະແໜງ ເຕັກໂນໂລຊີ - ນະວັດຕະກຳ,​ ຂະແໜງເຕັກໂນໂລຊີ - ຂໍ້ມູນຂ່າວສານ, ຂະແໜງຊັບສິນທາງປັນຍາມາດຕະຖານ ແລະ ວັດແທກ. ໃນການເຄື່ອນໄຫວ ວຽກງານວິຊາສະເພາະ ເປັນຕົ້ນວຽກງານຊັບສິນທາງປັນຍາມາດຕະຖານ ແລະ ວັດແທກ. ໄດ້ສົມທົບກັບກົມລົງກວດກາ ຄຸນນະພາບນ້ຳມັນ ເຊຶ້ອໄຟຕາມປ້ຳ ແລະ ສາງນ້ຳມັນທົ່ວແຂວງ ໄດ້ 67 ປ້ຳ 4 ສາງ. ສາມາດກວດພົບ ປ້ຳຈ່າຍນ້ຳມັນເຊຶ້ອໄຟ ທີ່ບໍ່ໄດ້ ຄຸນນະພາບ 2 ປ້ຳ, ສົມທົບກັບພາກສ່ວນທີ່ກ່ຽວຂ້ອງລົງກວດກາປະເພດສິນຄ້າໝົດອາຍຸ, ສິນຄ້າປອມແປງ ແລະ ສິນຄ້າບໍ່ໄດ້ຄຸນນະພາບຕາມຮ້ານ ແລະ ທ້ອງຕະຫຼາດ. ເຊິ່ງສາມາດພົບ ແລະ ຢຶດສິນຄ້າປະເພດ ເຄື່ອງສຳອາງ ໄດ້ຈຳ ນວນໜຶ່ງ, ລົງກວດສອບມາດຕະຖານຊີງຊັ່ງເອເລັກໂຕນິກ ຕາມໂຮງສີເຂົ້າທັນສະໄໝໃນທົ່ວແຂວງ, ກວດສອບ ບໍລິມາດສຸທິນ້ຳດື່ມຕາມໂຮງງານໄດ້ທັງໝົດ 53 ຂະໜາດບັນຈຸເທົ່າກັບ 100 %ຂອງຈຳນວນໂຮງງານໃນທົ່ວແຂວງ. ພ້ອມດຽວກັນກັບການລົງກວດສອບມານຕະຖານຊິງຊັ່ງຕາມທ້ອງຕະຫຼາດ ແລະ ຮ້ານໄດ້ທັງໝົດ 1825 ໜ່ວຍ ສາມາດກວດຊິ່ງຊັ່ງທີ່ບໍ່ໄດ້ມາດຕະຖານ 41 ໜ່ວຍ ແລະ ໃນໂອກາດນີ້ ທີ່ທ່ານຮອງລັດຖະມົນຕີ ລົງມາເຮັດວຽກ ຊີ້ນຳໃນຄັ້ງນີ້ທ່ານກໍ່ໄດ້ມີທິດຊີ້ນຳໃນການເຄື່ອນໄຫວຈັດຕັ້ງປະຕິບັດວຽກງານຂອງອ້າຍນ້ອງພະນັກງານ. ໂດຍທ່ານເນັ້ນໃຫ້ໂຄສະນາເຜີຍແຜ່ນິຕິກຳກ່ຽວກັບຂົງເຂດວຽກງານ ວິທະຍາສາດ ແລະ ເຕັກໂນໂລຊີໃຫ້ກວ້າງຂວາງ ເພຶ່ອໃຫ້ບັນດາຫົວໜ່ວຍທຸລະກິດ, ຜູ້ປະກອບການ, ຜູ້ສະໜອງ, ຜູ້ຊົມໃຊ້ໃຫ້ມີຄວາມເຂົ້າໃຈ ຮັບຮູ້ເລິກເຊິ່ງ ເຖິງຄວາມສຳຄັນຂອງວຽກງານດັ່ງກ່າວ. ເຮັດໃຫ້ການຊື້ - ຂາຍ, ການອຸປະໂພກ - ບໍລິໂພກ ແລະ ການບໍລິການ ທາງດ້ານສິນຄ້າຖືກຕ້ອງຕາມລະບຽບການ.

ຄົ້ນຫາ

ປະຕິທິນ

October 2019
Mo Tu We Th Fr Sa Su
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ແຜນທີ່

ຜູ້ເຂົ້າຢ້ຽມຊົມເວັບໄຊ

095895
ມື້ນີ
ວານນີ້
ອາທິດນີ້
ອາທິດຜ່ານມາ
ເດືອນນີ້
ເດືອນຜ່ານມາ
ລວມທັງໝົດ
89
129
354
94351
2663
2467
95895

            ສະຫງວນລິຂະສິດ, ພະແນກວິທະຍາສາດ ແລະ ເຕັກໂນໂລຊີ ແຂວງຄຳມ່ວນ, ໂທ: 051 251366, ແຟັກ: 051 251366