ພະແນກວິທະຍາສາດ ແລະ ເຕັກໂນໂລຊີ ແຂວງຄຳມ່ວນລົງເຄືອນໄຫວກວດສິນຄ້າໜົດອາຍຸຕາມທ້ອງຕະຫຼາດ

IMG 6889ໃນວັນທີ 10-11 ສິງຫາ 2016 ພະນັກງານວິຊາການ ຂະແໜງ ຊັບສິນທາງປັນຍາ ມາດຕະຖານ ແລະ ວັດແທກ ຮ່ວມກັບ ພະນັກງານຫ້ອງການວິທະຍາສາດ ແລະ ເຕັກໂນໂລຊີ ເມືອງທ່າແຂກ ໄດ້ລົງກວດສິນຄ້າໝົດອາຍຸ ໂດຍການ​ນຳພາ​ຂອງ ທ່ານ ປະກາຍພອນ ແສງດາລາ ຫົວໜ້າຂະແໜງ ຊັບສິນທາງປັນຍາ ມາດຕະຖານ ແລະ ວັດແທກ, ໄດ້ລົງເຄື່ອນໄຫວກວດກາ ສິນຄ້າໝົດອາຍຸ ປະເພດເຄື່ອງດື່ມ ແລະ ເຂົ້າໜົມ ຕາມ ຮ້ານຄ້າຂາຍສົ່ງ- ຂາຍຍ່ອຍ ຢູ່ຕະຫຼາດສຸກສົມບູນ ແລະ ສະຖານີຂົນສົ່ງໂດຍສານຄິວລົດຫຼັກ 4 ໃຫ້ຖືກຕ້ອງຕາມລະບຽບການເພື່ອເປັນການບໍ່ເອົາປຽບຜູ້ອຸປະໂພກ-ບໍລິໂພກ ການລົງເຄື່ອນໄຫວໃນຄັ້ງນີ້ ແມ່ຄ້າຊາວຄ້າຂາຍສ່ວນຫຼາຍ ແມ່ນໄດ້ໃຫ້ການຮ່ວມມື ແລະ ເຂົ້າໃຈເຖິງວຽກງານນີ້ ຫຼາຍຂຶ້ນ ແຕ່ກໍ່ຍັງມີແມ່ຄ້າຈຳນວນໜຶ່ງຍັງບໍ່ໃຫ້ຄວາມຮ່ວມມືເທົ່າທີຄວນ ຍ້ອນຜູ້ປະກອບການຄ້າຂາຍຍັງບໍ່ທັນຮູ້ເຖິງຜົນສະທ້ອນຂອງການໝົດອາຍຸ ຫຼື ເສຍຄຸນ ຂອງອາຫານ ຕະຫຼອດເຖິງພໍ່ແມ່ປະຊາຊົນທີ່ປະກອບການຄ້າຂາຍທົ່ວໄປ ຕ້ອງໄດ້ຮັບຮູ້ເຖິງຜົນສະທ້ອນຂອງຜູ້ບໍລິໂພໃນການນຳໃຊ້​​ສິນຄ້າ ທີ່ໝົດອາຍຸ ບໍ່ແມ່ນວ່າຂາຍສິນຄ້າຫວັງແຕ່ຜົນກຳໄລພຽງຢ່າງດຽວ ຄວນຄຳນຶງເຖິງຜົນກະທົບທີ່ຈະຕາມມາ ເພື່ອຮັບປະກັນຄວາມປອດໄພໃຫ້ແກ່ຜູ້ບໍລິ​​ໂພແລະ ການປະກອບທຸລະກິດທີ່ຖືກຕ້ອງຕາມລະບຽບກົດໝາຍ, ຜ່ານການລົງເຄື່ອນໄຫວກວດກາຕົວຈິງ ພາຍໃນ ໄລຍະເວລາ 02 ວັນ ສາມາດກວດໄດ້ທັງໝົດ 46 ຮ້ານ, ແຕ່ພົບເຫັນສິນຄ້າໝົດອາຍຸພຽງ 24 ຮ້ານ, ສິນຄ້າທີ່ ຢຶດໄດ້ຕົວຈິງ ລວມມີ 10 ລາຍການ ດັ່ງນີ້: ເຂົ້າໜົມ ປະເພດຕ່າງໆ, ເຂົ້າໜົມອົມ ແລະ ເຂົ້າໜົມທົ່ວໄປ, ກາເຟເບີດີ້, ໂອວັນຕິນ, ນົມກ່ອງຊະນິດຕ່າງໆ, ດັສມິວ, ໄມໂລ, ນົມປ໋ອງກາມະລິ, ນໍ້າອັດລົມປະເພດຕ່າງໆ ແບບຕຸກຢາງ ແລະ ແບບກະປ໋ອງ ເຊັ່ນ: ສະປາຍ, Bigcola, ສະຕິງ, ນໍ້າສົ້ມ, ນໍ້າຂຽວ, ເຄື່ອງປຸງອາຫານ, ຄະນໍ, ສະອິ້ວ, ອາຫານເສີມ, ເຂົ້າໜົມຄ້ຽວ, ໝາກຝຣັ່ງຫຍໍ້າ ລວມມູນຄ່າທັງໝົດ 2,325,000 ກີບ. ສ່ວນສິນຄ້າທີ່ຢຶດມາໄດ້ທັງໝົດ ແມ່ນໄດ້ເອົາມາເກັບຮັກສາໄວ້ທີ່ພະແນກວິທະຍາສາດ ແລະ ເຕັກໂນໂລຊີ ແຂວງຄຳມ່ວນ ເພື່ອລໍຖ້າດຳເນີນການຕາມລະບຽບກົດໝາຍ.